“Kien ta’ pjaċir għalija li lbieraħ tajna rikonoxximent lill-dawk l-istudenti u l-iskejjel primarji li l-aktar ġabru fondi bħala parti mill-Qaritona Nazzjonali fl-Iskejjel Primarji li qed issir minn The Malta Trust Foundation bil-kollaborazzjoni ta’ L-Aġenzija Nazzjonali tal-Litteriżmu bi skop li jkunu jistgħu jingħataw “assistive communicative devices” lil studenti li huma “non-verbal” u jinsabu fl-“autism spectrum”.
Tassew jien kburija bit-tfal tagħna, bil-kapijiet ta’ l-iskola u bil-prinċipala li għal sena oħra ħadu sehem attiv f’din l-inizjattiva li għandha żewġ għanijiet prinċipali – li jkollna tfal li jkunu ħassieba kritiċi u ċittadini attivi, filwaqt li jkunu wkoll tfal li jkollhom il-valur tal-ġustizzja soċjali minsuġ ġewwa fihom.
Minn qalbi nixtieq nirringrazzja lill-Aġenzija Nazzjonali tal-Litteriżmu, lill-Autism Parents Association, lill-Ministeru ta’ l-Edukazzjoni, lill-FITA, u lid-Department of Speech and Language Pathologists, u lill-Assoċjazzjoni tal-Ispeech Therapists tal-kontribut siewi tagħhom sabiex din it-tieni edizzjoni tal-Qaritona tkun waħda ta’ suċċess.”