Fl-okkażjoni tal-Jum Internazzjonali ddedikat għall-Bniet (The International Day of the Girl Child), il-Fondazzjoni ta’ Malta għall-Ġid tas-Soċjeta’ organizzat diskussjoni informali ġewwa l-Iskola ta’ Santa Monika, Birkirkara. Tkellimna fost l-oħrajn fuq l-importanza ta’ dan il-jum, fid-dawl tal-fatt ta’ ħafna temi li jaffettwaw direttament lill-bniet u t-tfajliet tagħna.
L-istudenti qalulna li, fost l-oħrajn għadhom isibu ostakli u element ta’ diskriminazzjoni fid-dinja ta’ l-isport, u qalulna wkoll li huma jemmnu li m’għandux ikun hemm differenza bejn il-bniet u s-subien, f’kull stadju u ċirkostanza ta’ ħajjithom. L-istudenti appellaw ukoll biex, kemm jista’ jkun, fis-soċjeta’ ma’ jkunx hemm sterjotipi abbinati mal-ġeneru.